Dosto Is Post me mai aapko Aadhaar Card ke Biometric ko Lock, Unlock and Temporary Unlock karna bataunga. Yah Aadhar Card ke security se juda hua bahut hi jaruri and kaam ki Information hai.

Ab aap soch rahe honge ki aakhir ham apne Aadhaar Card ke Biometric ko Lock ku kare. To Chaliye ab ham yah ku jaruri hai iske bare me thoda jaan lete hai.

Aadhaar Card ke Biometric ko Lock / Unlock Karna Ku Jaruri Hai.

Jaise jaise Aadhaar Card ka use badhte ja raha hai, usi tarah isse jude Fraud hone ke Case and News bhi badhte ja rahe hai. Aadhar card abhi ke time me ek bahut bada document ban gaya hai, jisko harek Account and Document se jod diya gaya hai.

Agar koi hamara Biometric ko Copy kar le to wo hamare Accounts and documents ke saath gadbadi kar sakta hai. Hamare Aadhaar Card ka detail use karke hamare Accounts me andar ki jankariya nikal sakta hai. Isse wo hamare liye kaphi problem create kar sakta hai.

Chuki ham sabhi jante hai ki Aadhaar Card Authentication Process par kaam karta hai, agar hamara Biometric Lock rahega to Biometric ( Fingerprint and Iris ) se Authentication complete nahi ho payega. Inhi khatro se bachne ke liye hame apne Aadhar Card ke Biometric ko jab bhi gadbadi lage Lock kar dena chahiye ( Gadbadi ka pata lagane ki jankari ke liye yaha click kare).

Inhe Bhi Jaane :-

• Aapka Aadhaar Card Bank Account Se Link Hai Ya Nahi Kaise Pata Kare ?
• Aadhaar Number Aur Enrolment Number Kho Jane Par Kaya Kare ?

Aadhaar Card Ke Biometric Ko Lock / Unlock Karne Ke Liye Jaruri Chize-

Kuch chizo ka aapke paas hona jaruri hai tabhi aap yah kaam kar payenge. jaise-

1.  Aadhaar number jiska Biometric Lock / Unlock karna hai, aur
2.  Us Aadhaar Number me registered mobile number (Isme aadhaar ki taraf se ek OTP aata hai)

Agar aapke paas ye dono chize hai to aap taiyar hai.

Aadhaar Card Ke Biometric Ko Lock / Unlock Common Steps

Iske liye kuch Common Steps hai jo aapko Lock and Unlock karne time follow karna hi padta hai.

Step 1.

• Iske liye sabse pahle aap Aadhaar Card ke official website https://www.uidai.gov.in me jaye.
•  Is website me jane ke baad right side me “Aadhaar Services” ka ek section milega. Is section me “Lock/Unlock Biometrics” ka option milega, is option par click kare.

Step 2.

Jaise hi aap Lock/Unlock Biometrics par click karenge aapko ek naye page me le jaya jayega.

• Is page me aapko left side me Aadhaar Number enter karne ke option milega. Is Box me apna Aadhaar Number enter kar de.

•  Isi ke neeche ek “Enter Security Code” ka box milega jisme usi box ke right side me kuch numbers likhe hue honge usko usme enter kar de.
•  Iske baad neeche diye hue “Send OTP” ke option par click kare.

Step 3.

Jaise hi aap send otp ke option par click karenge, us Aadhaar ke saath Registered Mobile Number par ek OTP aayega.

• Is OTP ko right side me “Enter OTP” wale box me bhar dijiye.

•  OTP bharne ke baad neeche me “Login” ka button milega, ab is button ko click kare.

Isse aap Aadhar Card ke Biometric wale page me Login ho jayenge. Isi page se aap apne Aadhaar Card ke Biometric ko Lock, Unlock and Temporary Unlock kar sakte hai.

Aadhaar Card Ke Biometric Ko Lock Kaise Kare ?

• Iske liye aap upar ke Common Step 1 to Step 3 ko follow karke Login kar le.
• Agar aapke aadhaar card ka biometric lock nahi hoga to waha Left side me likha hua aayega “Your Biometric Lock is currently disabled” iska matlab hai ki is aadhaar ka biometric lock nahi hai aur aap ise kahi bhi fingerprint ya iris scan karke authenticate kar sakte hai.

•  Ab agar aap is biometric ko Lock karna chahte hai to aap right side me diye gaye “Enter Security Code” wale box me uske saamne me diye gaye numbers ko enter kar de.
•  Security numbers enter karne ke baad wahi neeche me “Enable” ke button ko click kijiye.
• Ab aapke saamne “Congratulations! Your Biometric is locked.” likha hua aayega.

• iska matlab hai ki aapke aadhaar ka biometric Lock ho gaya hai aur ab fingerprint aur iris scan karke aadhaar authenticate nahi kar sakte hai.

Inhe Bhi Jaane :-

• Aadhaar Card Ke Enrolment Center And Update Center Ka Pata Ghar Baithe Kaise Lagaye ?
• Aadhaar Card Banwane And Update Karwane Ke Liye Kon-Kon Se Document Liye Jate Hai ?

Aadhaar Card Ke Biometric Ko Unlock Kaise Kare ?

Agar aap kabhi apne Aadhaar card ke Biometric ko Unlock karna chahe to neeche ke Steps ko follow kare.

•  Iske liye aap upar ke Common Step 1 to Step 3 ko follow karke Aadhaar card Biometric wale page me Login kar le.
•  Agar aapke aadhaar card ka biometric lock hoga to waha left side me “Your Biometric Lock is currently enabled” likha hua aayega, iska matlab hai ki is aadhaar ka biometric lock hai.

•  Agar aap us aadhaar ke biometric ko Unlock karna chahte hai to right side me diye hue “Enter Security Code” wale box me uske saamne me diye gaye numbers ko enter kar de.
•  Security numbers enter karne ke baad wahi neeche “Disable” ka button hoga usko click kijiye.
•  Jaise hi aap Disable par click karenge aapke saamne “Your Biometric is disabled” likha hua aayega.

• iska matlab hai ki aapke aadhaar ka biometric unlock ho gaya hai. Ab aap fingerprint aur iris scan karke aadhaar authenticate kar sakte hai.

Ab aap jaan chuke hai ki Aadhaar Card ke Buiometric ko Lock and Unlock kaise karte hai.

Agar aapke Aadhar Card ka Biometric lock hai to kaam padne par aap ise Temporary Unlock yani 10 Minute Ke Liye unlock bhi kar sakte hai. chaliye ab iske baare me jaan lete hai.

Aadhaar Card Ke Biometric Ko Temporary Unlock Kaise Kare ?

Iske liye sabse pahle us aadhar card ka biometric lock hona jaruri hai, tabhi aap use temporary unlock kar sakte hai. Ise Temporary Unlock karne ke liye in Steps ko follow kare-

•  Iske liye aap upar ke Common Step 1 to Step 3 ko follow karke Aadhaar Card Biometric wale page me Login kar le.
•  Agar aapke aadhaar card ka biometric lock hoga to waha left side me “Your Biometric Lock is currently enabled” likha hua aayega, iska matlab hai ki is aadhaar ka biometric lock hai.

•  Biometric ko Temporary Unlock karne ke liye is page ke right side me “Enter Security Code” ka box milega, aap is box ke saamne me diye gaye numbers ko isme enter kar de.
•  Iske baad neeche “Unlock” ka button milega, usko click kijiye.
• Jaise hi aap Unlock par click karenge aapke saamne “Your Biometric is unlock” likha hua aayega. Saath hi kitne time tak yah unlock rahega wah bhi likha hua hoga.

Iske baad aap 10 minutes ke andar Fingerprint aur Iris scan karke aadhaar authenticate kar sakte hai. 10 minutes ke baad us aadhaar card ka biometric automatic lock ho jayega.

Is tarah se aap Biometric ko Temporary Unlock yani 10 Minute Ke Liye unlock kar sakte hai. iska use aap tab kar sakte hai jab aapko thodi der ke liye apne aadhaar card ke biometric se Authentication karne ki jarurat padega.

Ab mujhe ummid hai ki aapko Aadhaar card Ke Biometric ko Lock, Unlock and Temporary Unlock karne se judi detail jankari ho gaya hoga.

Inhe Bhi Jaane :-

• Aadhaar Card Ka Status Active, Deactivate, Valid or Invalid Kaise Check Kare ?
• Apna Aadhaar Card FREE Me Download Kaise Kare ?

Aapne is Post ko ant tak padha yani yah Post aapko achha aur Jaankari ke layak laga. Is Post ko apne Friends, Family Member and Social Media me SHARE karna bilkul na bhule. SHARE karke aap dusre Jaruratmand logon ki madad karenge.

Aap hamare saath sabhi Social Media platform me jud sakte hai jaise- YouTube, Facebook, Twitter etc hamare sabhi Social Media handles “Explain In Hindi” name se hi hai. Dhanyawad