Abhi ka time aisa aa gaya hai jisme sabhi tarah ke payment Online kiye jate hai. Is tarah se jab Payment kiya jata hai to kai baar hamara Online Transaction Failed ho jata hai lekin paise hamare Account se kat jate hai.

In conditions me hame kaphi pareshani ho jati hai. Ham sochne lagte hai ki ab kya kare ? Iske liye ham kaha jaye ? paise wapas kaise le ? etc

Agar ( Bank Of India ) BOI se online transaction karte time aapka BOI Online Transaction Failed ho gaya hai, lekin Account se paise kat gaye hai to is Post ko padhte rahiye. Is Post me aapko iska solution mil jayega ki kaise aap apne paise ko wapas le sakte hai.

BOI se Online Transaction karte time transaction failed ho jane par paise wapas lene ke liye aap 2 tarah se request kar sakte hai.

1.  BOI Online Transaction Failed hone par Paise wapas lene ke liye ONLINE claim karna.
2.  BOI Online Transaction Failed hone par Paise wapas lene ke liye OFFLINE / Branch me jakar request karna.

Yaha par aapko ek baat ka dhyan rakhna hai ki kai baar Failed Transaction ke baad bhi hamara paisa kat jata hai to 24 se 48 hours me automatically hamare paise wapas aa jate hai. Isliye iske liye process aage badhate time 1 se 2 din ka wait kar le.

Agar itne time me aapke paise automatically wapas nahi aate hai tab aap neeche bataye gaye tariko ka use kar sakte hai. To chaliye ab iske liye Online and Offline dono process ko ek-ek karke detail me jaan lete hai.

Inhe Bhi Jaane :-

• BOI ATM Card Ka PIN Bhul Jane Par Ise Forgot / Reset Kaise Kare ?
• BOI ATM Card Ka PIN Change Kaise Kare ?

BOI Online Transaction Failed Hone Par Paise Wapas Lene Ke Liye ONLINE Claim Kaise Kare ?

Abhi sabhi ke pass time ki kami hai aur ham sabhi kaamo ko online karna chahte hai. Isliye mai bhi iske Online process ko pahle batane jaa raha hu.

Step 1

•  Iske liye aap sabse pahle Bank Of India ke Official Website ke is Link https://www.bankofindia.co.in/english/FailedTransactionRefundClaim.aspx par jaye.
•  Ab is Page me aapko 3 options najar aayega, Inme se “Online Bill Payments Refund Redressal” ke link par click kare.

Step 2.

Ab aapke samne ek “Refund Redressal of Bill Payment Form” khul jayega. Is form me aapke Failed Transaction se related sare details enter karna padega. Is form ko aapko achhi tarah se fill up karna hoga.

•  Transaction Type – Iske liye aapko apna Bank Passbook ko Print karwana padega ya Account Statement nikalwana padega. Inme yah Transaction “STUBP Or BDIPG” me se kis type ka BOI online transaction hai likha hoga. Passbook ya Bank Statement me dekhkar isko select kar le.
•  Bank Payment ID – Upar jis bhi type ka transaction (STUBP Or BDIPG) aap select karenge uska Payment Id bhi wahi likha hua hoga usko dekhkar is box me type kar de.
•  Payment Type – Isme aapko yah select karna hai ki aap kis tarah ka payment “BillPayment ya Tax or Other Payment” kar rahe the.
•  Customer Name – Is box me aap customer ka name enter kar de.
•  Debited Account No – Isme aapke jis bhi BOI Account Number se paise kate hai us Account ka Number enter kar de.
•  Amount – Isme aap jitne paise ka transaction kar rahe the yani jitna paisa aapke account se withdrawal hua hai wo amount likh de.
•  Date of Transaction – Jis din aap payment kar rahe the us din ka date yaha select kar le. Date select karne ke liye is box ke neeche ek calendar icon hai usko click kare aur calendar khulne ke baad date select kar le.
•  E-Mail ID – Isme aap communication ke liye apna ek valid email id enter kar de.
•  Enter the text as shown below – Is Box me iske neeche image me jo bhi jaisa bhi likha hai usko same to same enter kar de.
•  In sabhi details ko fill up karne ke baad “Submit” button par click kare.

Jaise hi aap submit button par click karenge aapka form submit ho jayega. Iske baad aapko ek “Reference Number” diya jayega. Aap is reference number ko achhi tarah se likhkar rakh le ya us page ka screen shoot lekar rakh le.

Is problem ko solve hone me 7 working days ka time lag jata hai. 7 working days ke andar is problem ko solve karke aapke paise ko aapke usi BOI Account me bhej diya jata hai. Aap in 7 working days me apne Account ko check karte rahe.

BOI Online Transaction Failed Refund Claim Ka Status Kaise Pata Kare ?

Agar aapne iske liye Online claim kiya hai aur aapke paas Reference Number hai to aap yah pata kar sakte hai ki aapke claim ka kya status hai. Yah aap 2 tarah se kar sakte hai.

1.  Iske liye aap BOI ke contact number 02261319462 me call kare. Yaha call karne ke baad aap apna problem bataye. Iske baad aapse Reference Number pucha jayega unko apna Reference Number bata de, iske baad aapko aapka status check karke bata diya jayega.
2.  Dusra tarika hai apne bank ke branch me jakar pata karna. Aap apne bank ke branch me jaye aur apne problem ke saath apna Reference Number bhi bataye. Iske baad wo status check karke aapko bata denge.

To is tarah se aap is process ko ghar baithe solve kar sakte hai aur boi online transaction failed hone par apne paise ko wapas le sakte hai.

Inhe Bhi Jaane :-

• BOI New ATM Card Ka PIN Generate And Activate Kaise Kare ?
• ATM Se Apna Bank Balance Check Kaise Kare ?

BOI Online Transaction Failed Hone Par Paise Wapas Lene Ke Liye OFFLINE / Branch Ka Process Kaise Kare ?

Agar aap is process ko Online nahi kar paa rahe hai to iske liye Offline process bhi hai. Iske liye aapko apne Branch me jana hoga.

Branch me jane ke baad apna problem batane par aapko ek Form diya jayega jo lagbhag online form ke tarah hi hoga. Isme jitna bhi detail us Failed transaction ke baare me aapke paas hai sare detail fill up kar de. Is form ko achhi tarh se fill up karne ke baad isko Bank me jama kar de.

Kabhi-Kabhi bank me form nahi rahta hai to aapko ek application likhkar dene ko bola jayega. Is condition me aap ek white paper ya kisi bhi paper me Bank Manager ke name se ek application likhe aur usme apne Failed Transaction ke baare me saare detail ko likh de. Is application ko likhkar bank me jama kar de.

Aapke Form / Application jama karne ke baad bank ke staff ke dwara details ko online bheja jayega. Uske baad aapke details ko check, verify karke sahi hone par aapke debited money ko usi BOI Account me jama kar diya jayega.

Is complete process me 7 working days tak ka time lag jata hai. 7 working days ke andar is problem ko solve karke aapke paise ko aapke usi BOI Account me bhej diya jata hai. Aap in 7 working days me apne Account ko check karte rahe.

Is beech aap apne Bank ke Branch me jakar aapke application ka kya status hai yah puch sakte hai. Bank ke staff ke dwara check karke aapka status bata diya jayega.

To dosto ab aap BOI Online Transaction Failed ho jane par paise wapas kaise le sakte hai iska Online and Offline dono process jaan chuke hai. Ab mujhe ummid hai ki is problem se nikalne aur apne paise wapas lene ke liye aap puri tarah se taiyar hai.

Inhe Bhi Jaane :-

• Agar Aapke Paas ATM Card Hai To Jarur Padhe In Savdhaniyo Ko.
• Aapka Aadhaar Card Bank Account Se Link Hai Ya Nahi Kaise Pata Kare ?

Isi tarah ke Banking se related saari jankariyo ko Video Format me dekhne ke liye hamare YouTube Channel “Explain In Hindi” ko SUBSCRIBE karna bilkul na bhule.

Aapke jaise aur bhi log honge jo is problem se pareshan honge isliye is Post ko apne Friends, Family Member and Social Media me SHARE karna bilkul na bhule. SHARE karke aap dusre Jaruratmand logon ki madad karenge. Dhanayawad