Mobile Me Hindi Typing / Type Karne Ka Sabse Best Aur Aasaan Tarika

Is Post Ko SHARE Kare
  •  
  •  
  •  
  •  
  •  
  •  
  •  
  •  

Bahut saare aise log hai jo Hindi me Type karna chahte hai aur apne bhawnao ko Social Media ho ya Blogging sabhi jagaho par Hindi me SHARE karna chahte hai. Hindi ek aise bhasha hai jo India ke kai States me boli aur samjhi jaati hai. Aise log Hindi ka prayog kai jagaho par karna chahte hai lekin Mobile ke paramparik Hindi Keyboard ko dekhkar apna man badal dete hai. Inme se kai log last me Hinglish Me likhne lagte hai jisme Hindi ko hi English me likha jata hai. Inme se ek aap bhi ho sakte hai jo ek aise alternative ki talaash me ho jisse Mobile Me Hindi Typing aasan ho jaye aur paramparik Hindi Keyboard ke bina bhi Hindi Typing kiya ja sake.

 

Agar aapka jawab Ha hai to aap yah post last tak padhiye. Maine isme ek aise method ke baare me bataya hai jisse aap apne mobile me English Keyboard Se Hindi Typing kar sakte hai. Isme aap sidha Hindi Typing kar sakte hai ya English me bhi type karke Hindi likh sakte hai. Yah bahut hi aasan hai iske baad agar aapko Hindi se lagaw hai to English aur Hinglish ko bhul jayenge.

Chaliye jaan lete hai mobile me kitne tarah se Hindi Typing kar sakte hai.

Mobile Ke Apne Keyboard Se Hindi Typing Kare

Aajkal harek mobile me lagbhag sabhi bhartiya bhasa ka keyboard hota hai. Bas jarurat usko select karne ki hoti hai. Ise on karne ke liye apne mobile ke is path ko follow kare –

Settings me jaye > Language and input me jaye > Keybord me jaye > Add input language yaha apna language select kar le.

Hindi Keyboard
Hindi Keyboard

Ab jab bhi aap typing ke liye jaynge to waha aapko hindi ka bhi option milega. Is keyboard me problem yah hoti hai ke yah pure Hindi keyboard hota hai jiske karan isme typing muskil hota hai. Ab mai aapko ek aasan tarik batane ja raha hu.

Inhe Bhi Jaane :-

Google Indic Keyboard Se Mobile Me Hindi Typing karna

Iske liye aapko Google Playstore se ek app install karna hoga jiska name hai “Google Indic Keyboard”. Ise aap niche click karke bhi install kar sakte hai.

Google Indic Keyboard

Pahle ise PlayStor se Install kare. Iske baad aap isko Open karen.

Google Indic Keyboard Setup
Google Indic Keyboard Setup
  1. Open karte hi aapke pas ek page khulega ENABLE IN SETTING ka option hoga. Isme click karke Google indic keyboard ko Enable kar de
  2. Agle page me SELECT INPUT METHOD ke option par click karna hai.
  3. Ab aapke paas do Keyboard ka option hoga usme upar wala English & Indic Language ke option par click kar de.
  4. Uske bad aapko kuch permission maangega use SET PERMISSION par click karke allow kare.
  5. Aage ke Installation process ko complete karen aur last me GET START par click kare.
  6. Ab aap puri tarah baahar aa jaye.

Iske baad aapko jahan par bhi Hindi me type karna hai wahan jaakar keyboard ko open karen. Ab aapko keyboard badal chuka hoga. Yahan aapko ek aur kaam karna hai.

Mobile Me Hindi Type
Mobile Me Hindi Type

Select Input Language ke option par click karen. Yahan aapko bahut saari Language najar aayega yahan Hindi ko select kariye. Ab aapko 3 tarah ke Option milenge isme pahle option ko select karna hai.

Ab aap puri tarah se taiyar hai Mobile Me Hindi Typing ke liye. Is option ko select karne ke baad aap jo bhi English me likhenge wo aapko Hindi me aayega. Yani agar likhenge ” Aaj maine sikha mobile me Hindi Typing karna ” to aapke mobile me aayega ” आज मैंने सीखा मोबाइल में हिंदी टाइपिंग करना “.

Is tarah se ab aap badi hi aasani se apne mobile me jahan bhi chaho Hindi Typing kar sakte hai. isme kisi tarah ki dikkat nahi aayegi. Isme sabse acchi baat yah hai ki hame hindi likhne ke liye pure hindi keyboard ki tarah ek ek akshar dhundhna nahi padta hai.

Ab yaha aap keyboard ke upar left side me abc aur dono option English aur Hindi typing ke liye select kar sakte hai.

Is App se aap Hindi ke alawa bhi kai bhartiya bhasha me type kar sakte hai isi tarah badi aasani se kewal aapko Language me us Language ko select karna hai. select karte hi aap us Language me typing ke liye taiyar honge.

Mujhe ummid hai ke ab aapko Hindi Typing me kisi tarah ki dikkat nahi hogi aur ab apne bhasha se compromise nahi karna hoga.

Agar yah Post aapko achhi aur jankari ke layak lagi to ise Social Media me SHARE karke Aapke aur Hamare jaise lakho logo ki madad karna bilkul bhi na bhule.

Iske baad bhi agar aapke man me kisi tarah ka Sujhaw ya Sawal hai to Comment Box me likhe hame aapka madad karke khushi hogi. धन्यवाद

 

Mera name Santosh Kumar hai. Yah website maine banaya hai. YouTube aur Blogging mera passion hai, main in dono ki sahayta se logo ki madad karna chahta hu. "Khush Rahe Aur Sikhte Rahe"

Is Post Ko SHARE Kare
  •  
  •  
  •  
  •  
  •  
  •  
  •  
  •  

2 thoughts on “Mobile Me Hindi Typing / Type Karne Ka Sabse Best Aur Aasaan Tarika”

Leave a Reply

Your email address will not be published. Required fields are marked *