Mobile Se Document, Signature, Photo Ko Resize / Size Kam Kaise Kare ? For Online Form Fill Up

Dosto, Abhi ke time me harek tarah ke form online fill up kiye ja rahe hai. Jab ham kisi bhi Form ko Online fill up karte hai to usme hame apne Photo, Signature and Documents ka Scanned Copy ko upload karna padta hai.

Inme Upload kiye jane wale Photo, Signature and Documents ka Size and Dimension nischit hota hai. Agar hamare pas us dimension and size me hamara Photo, Signature and Documents nahi hota hai to hame bahut dikkat hoti hai.

Agar aap bhi Online form fill up karne jaa rahe hai aur aapke paas us dimension & Size me Photo, Signature and Documents nahi hai to is Post ko padhte rahiye. Is Post me ham ek Photo Resizer App ke bare me batane jaa rahe hai jisse aap  “Mobile Se Document, Signature, Photo Ko Resize / Size Kam kar sakte hai, Aur uska use Online Application Form ko fill up karne me kar sakte hai.”

Inhe Bhi Jane :-

• IGNOU Online Admission Complete Process In Hindi
• India Post Office Ka Complaint Central Govt. Ko Kaise Kare ?

Photo & Picture Resizer Android App Kya Hai ?

Photo & Picture Resizer ek Android App hai jisse ap apne Document, Signature, Photo Ko Resize / Size Kam kar sakte hai. Isse inko aap resize / size kam karke kisi bhi Online Application ( Jaise- SSC, Railway, UPSC, IGNOU…….etc) Form ko Fill-up karne me use kar sakte hai.

Yah ek bahut hi simple app hai isliye isko use karne me aapko kisi tarah ki dikkat nahi hogi. Chaliye ab aapko iske kuch features ke baare me bata dete hai.

Photo & Picture Resizer Android App Ke Features

1.  Isme Online form ke liye Document, Signature, Photo ko resize / size kam karte time pucha jata hai ki iske size ko kitna % resize karna hai. Agar aapko iske option me aapka desire % nahi mil raha hai to aap Custom ko click karke apne marji se % set kar sakte hai.
2.  Kai Form me Document, Signature, Photo ka Size ke saath Dimension bhi likha hota hai. Iske liye is App me Dimension ko bhi Resize karne ka option mil jata hai. Aap isme apna desire dimension set karke inko resize kar sakte hai.
3.  Is app me Smart Image Resizer (Smart Photo Resizer, Smart Image Compressor, Smart Photo Compressor) ka use kiya gaya hai isliye aapka Photo, Signature and Document ka Quality jyada kharab nahi hota hai.
4.  Is App se resize kiye jane ke baad turant inko aap E-mail and sabhi social media me direct isi app se share kar sakte hai.

Inke alawa aur bhi kai chote mote feature hai is app me. To chaliye ab ham isko Use karke Document, Signature, Photo ko Resize kaise kar sakte hai iske baare me jaan lete hai.

Mobile Se Document, Signature, Photo Ko Resize / Size Kam Kaise Kare ?

Iske liye neeche diye gaye instructions ko follow kare.

Photo Ko Resize karne Ka App Ko Install Karna

Step 1.

•  Sabse pahle aap apne mobile ke Google Play Store me chale jaiye.
•  Play Store me “Photo & Picture Resizer” search kijiye.

•  Is app ko Install kar lijiye. Install karne ke baad aap ise “Open” kijiye.

Step 2.

Pahli baar jab aap is app ko open karenge to kuch slides aayenge inko aap “Skip” kar de. Ab aapke paas yah app khul jayega. Isme aapko kuch option dikhai denge.

1.  Select Photo- Isme click karke aap apne mobile me jo photo hai usko select kar sakte hai.
2.  Take a Photo- Is option me click karke aap turant photo khich sakte hai.
3.  Resized Photo- is option me aapne abhi tak jitne bhi photo ko resize kiya hai wo saare mil jayenge.
4.  Select Video- Yah option abhi New add kiya gaya hai.  Is Option se aap apne Video ko Resize / size kam kar sakte hai.
5.  Rate The App- Is option se aap is app ko Rating de sakte hai.
6.  Buy Premium- Agar yah app aapko achha laga aur isko aap kharidna chahte hai to is option me click karke kharid sakte hai.

Inhe Bhi Jaane :-

• ATM Fraud Se Bachne Ke Liye In Savdhaniyo Ko Jarur Padhe.
• Subsidy Ke Liye Aapka Aadhaar Card LPG Gas Se Link Hai Ya Nahi Kaise Pata Kare ?

Mobile Se Photo Ko Resize / Size Karna Karna

• Is app ko install karne ke baad, image ko Resize karne ke liye iske pahle option “Select Photo” me click kare.
• Ab aapke mobile me jitne photo hai wah aa jayega inme se apne Document, Signature, Photo ko select kar lijiye. (Jisko Resize karna hai)
•  Ab aapke samne wah photo khul jayega. Is page me aapke photo ke upar uska Dimension and size { For example- 493×671 (207 Kb) } likha hoga.
•  Ab sabse upar ke “Photo Resizer” icon (Four Arrow) ko click kare.

•  Isko click karte hi aapke samne % and Dimension aa jayega aapko jitna size kam karna hai uske anusar option me se select kar le.
•  Agar aapko diye hue option se alag % ya Dimension chahiye to unke neeche ke “Custon% / Custom” ko select karke apne hisaab se inko set kar le.
•  Iske baad kuch der tak Smart Image Resizer ( Photo Resizer, Image Compressor, photo Compressor) work karega aur chakri jaisa dikhai dega.
•  Phir aapke samne Photo ko Resize karke uske dimension and size ke saath { For example- 200×200 (14 Kb) } dikha dega. Sath hi yah resize kiye hua image apne aap aapke gallery me ek alag folder “Picture/PhotoResizer” banakar save kar dega.

Is same process ko karke apne Document, Signature, Photo Ko Resize / Size Kam kar sakte hai. Is tarah se Resize kiye hue photos ko aap kisi bhi Online Form me use kar sakte hai.

Is App se resize kiye hue sare photo ko aap iske 3rd option “Resized Photos” par click karke ya apne phone ke “PhotResizer” folder me dekh sakte hai.

Dosto mujhe ummid hai ki aapko yah Photo Resizer app pasand aaya hoga. Saath hi yah app aapke is tarah ke sare problems ko khatm kar dega.

Yah App aapko kaisa laga iske bare me hame Comment karke jarur bataye. Agar aapko iske baare me aur kuch janna hai to bhi hame Comment karke bataye ham is Post me use bhi samil kar denge.

Inhe Bhi Jaane :-

• Apne Windows 7, 8, 10 Ke Product Key Ko FREE Me Find Kiase Kare ?
• Aapka SIM Card Kiske Name Se Hai Kaise Pata Kare ?

Aapke jaise aur bhi log is problem se pareshan honge isliye is Post ko apne Friends, Family Members and Social Media me SHARE karna bilkul na bhule. SHARE karke aap dusre Jaruratmand logon ki madad karenge.

Agar aapne abhi tak hamara YouTube Channel “Explain In Hindi” ko Subscribe nahi kiya hai to jaldi se Subscribe kar le, Waha par aapko bahut hi interesting chize sikhne ko milengi. Dhanyawad