Offline Bina Internet Train Ki Jankari Kaise Le In Hindi ?

Is Post Ko SHARE Kare
  •  
  •  
  •  
  •  
  •  
  •  
  •  
  •  

Dosto hum hamesha train se safar karte hi rehte hain . Aur ham sabhi jaante hai ki train ke safar mein harek jagah par mobile ka network kaam nahi karta, in jagahon par internet ka kaam na karna ek aam baat hai . Hamare desh me bahut saare gaon hai jisme network itna week hota hai ki baat tak nahi hota, saath hi ham kai baar aise situation me hote hai ki hamare paas internet pack nahi hota hai. In sabhi jagahon par jab hame train ki jankari ki jarurat aati hai to ham soch me pad jaate hai. Is problem ka solution kya hai ?

Aaj mai aapko ek aise app ki jankari dene jaa raha hu jisme aap bina internet ( offline ) train ki jankari le sakte hai kahi bhi kabhi bhi.

Chaliye jaan lete hain ye kon sa App hai? aur iska use kaise karte hai?

Offline Bina Internet Connection Ke Train Ki Jankari Kaie Le?

Iske liye aapko apne mobile me ek App Install karna hoga, jiska name Indian Rail Offline Time Table hai. Is aap ko aap Google Playstore se download kar sakte hai, ya yahan click karke bhi download kar sakte hai.

Yah App Google Playstore me kis tarah ka dikhta hai wo aap niche ke photo mein dekh sakte hai. Ise aap Install mein click karke install kar le. Install karne ke baad aapko usi jagah par Open ka option de dega. Ise use karne ke liye Open par click Karen.

Train Ki Jankari In Hindi

Open par click karte hi aapko 3 Option dikhai dega, yahan aap 3 tarah se train search kar sakte hai
1. Trains At My Stations.
2. Trains Time Table.
3. Trains Between Stations.

Ab main aapko in 3 Option ki puri jaankari de deta hu ki kis option mein kis tarah ki jaankari milegi.

1. Trains At My Stations.

Jaisa ki name se hi pata chal raha hai, isme kisi khash Railway Station se pure 24 ghanta me jitna bhi train gujarti hai unki puri jaankari dega.

Jaise hi aap is option par click karenge aapke paas ek box milega. Is box me aapko us Railway Station ka code likhna hai ya pura name bhi likh sakte hai jisse gujarne wale Trains ki jaankari aapko chahiye. Aap station ka name ya code jaise hi likhenge aapke sane us station se gujarne wali sabhi trains ka list aapki sane aa jayega. Ab jis bhi train ke baare me aapko jaanna hai use click karna hai. Click karte hi us train ki puri jaankari aapke saamne hogi. Sabse pahle wah train kis kis din chalti hi wo hoga, uske niche kis station se chalti hai us station se lekar jis station tak jaati hai wahan tak ke sabhi station ki list Arrival time and departure time ke saath aapko dikha degi.

2. Trains Time Table.

Kisi khash train ka time table agar aapko jaanna hai to yah option aapke liye perfect hai. Is option ko click karte hi aapke samne ek box aayega, isme aapko train ka number daalna haia. Ab aapke saamne us train ka number and name aayega usme click karna hai. Jaise hi aap click karenge aapke saamne same uper ki hi tarah train ki puri jaankari Day, Arrival time and Departure time ke saath saare Stations ki list ke saath aa jayegi.

3. Trains Between Stations.

Mere hisaab se ye sabse kaam ka option hai kuki hame hamesa kisi do Stations ke bich me trains ki jaankari ki jarurat padti hai.

Aap jaise hi is option par click karenge aapke saamne do box honge 1 Source Station and 2 Destination Station. Pahle box me aapko us station ka name ya code daalna hai jahan se aapko jaana hai aur dusre box me jahan tak jaana hai. Jaise hi aap ye dono Stations bhar lenge aapke samne in dono Stations ke bich chalne wali saari trains ka list aa jayegi time ke saath. Ab aapko jis bhi train ki jaankari chahiye uspar click karna hoga. Aapke click karte hi aapke saamne upar ki hi tarah us train ki puri jaankar Day, arrival time and Departure time ke saath saare Stations ki list aa jayegi.

Offline Bina Internet Connection Train ya Rail Ki Jankari In Hindi Video

Ye saare kaam aap offline mode me bina internet connection ke kar sakte hai bina kisi dikkat ke. To hai na kamaal ki App.

Is App se aap kuch kaam jaise – PNR Status, Seat Availability, Train Live Status, Special Train aadi ki jankari nahi le sakte hai, kyunki ye Data internet ki duniyan me badalate rahte hai harek minute, harek second. Baaki saari jaankari aap isse badi hi aasani se le sakte hai.

Mujhe ummid hai ab aapko internet connection nahi rahne par Train ki jankari lene ki tension nahi rahegi.

Agar aapko yah post pasand aaya to ise social media me SHARE karna bilkul bhi na Bhule is tarah se aap dusro ki madad karenge. Agar abhi bhi aapke man me kisi tarah ka sawaal hai ya kisi topic par jaankari chahiye to comment box me comment karen hame aapka madat karke khushi hogi.

Mera name Santosh Kumar hai. Yah website maine banaya hai. YouTube aur Blogging mera passion hai, main in dono ki sahayta se logo ki madad karna chahta hu. "Khush Rahe Aur Sikhte Rahe"

Is Post Ko SHARE Kare
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *