2 Minute Me PAN Card Ko Aadhaar Card Se Link Kaise Kare ?

Is Post Ko SHARE Kare
  •  
  •  
  •  
  •  
  •  
  •  
  •  
  •  

Hindustan Time ke anusar is year 2017 ke last tak harek ko apna PAN Card ko Aadhaar Card ke saath Link kar lena hai. Agar koi apne PAN Card ko Aadhar Card ke saath Link nahi karta hai to 31 December 2017 ke baad unka PAN Invalid ho jayega.

Iske saath hi aane wale dino me bina Aadhar Number ke PAN Card nahi banaya ja sakta hai. PAN Card banane ke liye Aadhar ko compulsary document ki tarah use kiya jayega.

Aisa duplicate PAN ko khatm karne ke liye kiya jaa raha hai. Isse laabh yah hoga ke duplicate PAN ke kaaran Income Tax me hone wale ghotale ko khatm kiya jayega.
Aadhaar ko PAN ke saath Link karna bahut hi aasaan hai. Iske liye 2 minutes se bhi kam time lagega. To chaliye jaan lete hai ki yah kaise hota hai.

PAN Card – Aadhaar Card Se Link Karne Se Pahle Inka Dhyan Rakhe

  • Dono ko Link karne se pahle achhi tarah se yah Check kar le :-
  • Dono me Date Of Birth same hona chahiye.
  • Dono me Gender same hona chahiye.
  • Dono me Name same hona chahiye. Name me spelling bhi check hoga.

Agar aapka ye details dono me same hai to hi Link kare. Kisi bhi detail ke match nahi karne par Linking Process Complete nahi hoga.
Detail me difference hai to pahle inme se kisi ek ko sudharwakar details ko match karwaye.

Detail same hai to aap aage ka process kar sakte hai.

PAN Card Ko Aadhaar Number Se Link Kaise Kare?

Iske liye pahle bahut lamba process tha jisme pahle Income Tax India ke website par jaakar Register karna padta tha. Register karne ke baad login karke apna details fill up karke Submit karne se PAN Card Aadhar Number ke saath Link hota tha.

Lekin aaj mai aapko ek simple aur Easy Process batane jaa raha hu.
Sabse pahle www.incometaxindiaefiling.gov.in is website par jaye.

Income Tax India Website
Income Tax India Website

Yaha aane ke baad left side me ek direct link “Link Aadhaar” milega usme click karna hai.

Ab yaha apna Information fill up karna hai.

  • PAN Card ka number
  • Aadhaar Card ka Number
  • AADHAAR Card me jis tarah se aapka Name hai usi tarah se apna Name yaha fill up kare.
  • “I have only year of birth in Aadhaar Card” me tick kar de.
  • Iske baad jo image me code hai use niche box me bhare.
  • Aapka saara kaam ho gaya last me “Link Aadhaar” me click kare.

Iske baad aapka Aadhaar Card aur PAN Number ko check kiya jayega dono me details match karne par Link kar diya jayega.

Kitna aasaan hai kewal 2 step me Aapka PAN Card Aadhaar Card se link ho gaya. Itna sa kaam ke liye apne PAN ko Invalid nahi hone de jaldi se jaldi is process ko complet kar le.
Mujhe ummid hai aapko saara Process achhi tarah se samajh aa gaya hoga. Agar abhi bhi aapke man me kisi tarah ka sawaal hai to Comment kare hame aapka madad karke khushi hogi.
Yah post agar aapko Achha aur Kaam ka laga to ise Social Media me SHARE karna bilkul bhi na bhule is tarah se aap dusro ka madad karenge. धन्यवाद

Mera name Santosh Kumar hai. Yah website maine banaya hai. YouTube aur Blogging mera passion hai, main in dono ki sahayta se logo ki madad karna chahta hu. "Khush Rahe Aur Sikhte Rahe"

Is Post Ko SHARE Kare
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *