Hello Dosto, kya aapke paas Paytm Payment Bank Account hai, aur kya aap physical Paytm ATM Card use karna chahte hai? aur kya aap janana chahte hai ki Paytm bank ka atm or debit card Apply kaise karte hai Paytm App ke dwara? To is post ko pura acche se padhe.

Paytm ne apna Payment bank 2018 me launch kiya tha, jiske baad se iske popularity me kaafi ijaafa hua hai aur iska use bhi kaafi aasaan hai jiske wajah se users ise use karna pasand bhi kar rahe hai, aur iski khaas baat yah bhi hai ki isme aapko acche khaase offers bhi mil jaate hai, jisse comsumers ko fayada bhi hota hai.

Inhe Bhi Padhe:-

• Paytm Customer Care Number & Email Id Jo 24×7 Aapki Madad Karegi.
• SBI Me Registered Mobile Number Kho / Band Ho Jane Par Ise Change Kaise Kare?

Paytm ATM or Debit Card Apply Kaise Kare Through Paytm App?

Paytm ATM Card Apply karne ke liye neeche bataye gaye steps ko acche se follow kare-

• Iske liye sabse pahle aap apne mobile me Paytm App ko open kar le, App ko kholne ke baad sabse neeche me kuch options diye honge, inme se aapko “Bank” wale option ko choose karna hai.
• Bank wale option par click karte hi ab aapse aapka bank details show karne ke liye Paytm payments bank ka “Passcode” manga jayega, yahan par aap apna 4 digit ka passcode daal de.

• Passcode daalte hi aapka Paytm bank khul jayega. Ab aap thoda neeche scroll kare, thoda neeche jaane ke baad “Debit & ATM Card” ka option dikhayi dega. ab aap is option ko select kare.
• Iske baad aapke saamne aapka Paytm ATM Card aa jayega, jo digital fomate me hoga, isi ke neeche aapko “Request Card” ka ek option milega, ab aapko is option ko choose karna hai.
• Request card ke option par click karte hi aapke saamne aapka address dikhayi dega, isi address par aapko aapka Paytm debit card bheja jayega. Agar aap dusre address par apna Paytm ATM Card mangwana chahte hai to wahin par “Add New” ke option par click karke aap apna address change kar sakte hai.

• Aapke address ke neeche “ATM Card Issuance Charge” dikhai dega, matlab ki aapse physical Paytm ATM Card issue karne ke liye ye charge liya jaayega.
• Aage badhne ke liye “Proceed to Pay” ke option par click kare.
• Jaise hi aap proceed to pay ke option par click karenge aapke saamne aapka address aa jayega jispar aapka Paytm ATM Card bheja jayega, agar address sahi hai to “Confirm Address” ke option par click kare.
• Ab aapko Paytm Debit Card issue karne ka charge pay karne ke liye Payment gateway me le jaya jayega, jaha par aap Paytm Wallet, Paytm Payment Bank AC/No., BHIM UPI, Debit Card ya Net Banking kisi se bhi pay kar sakte hai. Yahan par aap jis bhi tarike se pay karna chahte hai usko select karke apna details daal kar “Pay Now” ke option par click kare.

• Jaise hi payment complete hoga aapke saamne “Paid Successfully for ATM Debit Card” ka message aayega. Jaise hi yah message aaye to aap samajh jaye ki aapka Paytm ATM Card Apply ho chuka hai aur 10 din ke andar aapko yah card mil jayega.

Inhe Bhi Padhe:-

• SBI ATM Green Pin Generate Aur Activate Kaise Kare?
• Aadhar Number Aur Enrolment Number Kho Jane Par Kya Kare?

Paytm ATM Card Ka Status Kaise Check Kare?

Paytm ATM or Debit Card ka Status check karne ke liye sabse pahle aap apne Paytm App ko ek baar band kar le, uske baad neeche bataye gaye steps ko follow kare.

• Iske liye sabse pahle aap apne mobile me Paytm App ko open kar le, App ko open karne ke baad sabse neeche me diye gaye “Bank” ke option par click kare.
• Bank wale option par click karte hi ab aapse aapka Paytm payment bank ka “Passcode” manga jayega, yahan par aap apna 4 digit ka passcode daal de.
• Passcode daalte hi aapka Paytm bank khul jayega. Ab aapko thoda neeche jana hai, thoda neeche jaane ke baad “Debit & ATM Card” ka option dikhayi dega. ab aapko is option par click karna hai.
• Iske baad aapke saamne aapka Paytm ATM Card aa jayega, isi ke neeche aapko “Card Order Status” ka option mil jayega, jise aapko select karna hai.

• Is option par click karte hi aapke saamne aapke Paytm ATM Card ka order status aa jayega, yaha par aapko aapka debit card kab tak milega yah bhi dikhai dega.

To dosto dekha aapne ki Paytm Debit Card Apply karna aur iska order status check karna wo bhi Paytm App se kitna aasaan tha, aur ab mujhe aasha hai ki aapko apna Paytm ka ATM Card Apply karne aur uska status check karne me kisi bhi tarah ki dikkat nahi hogi.

• BOI ATM Pin Bhul Jane Par Ise Forgot/Reset Kaise Kare?

Agar aapko is topic se related kisi bhi tarah ka problem ya sawal hai to aap comments me hame pooch sakte hai, ham aapko jaldi se jaldi reply dene ki kosis karenge.

Aapke jaise bahut saare aise log honge jo Paytm ATM Card use karna chahte honge lekin unko pata nahi hai ki kaise ise apply karte hai, isliye aap is post ko SHARE karke un logo tak jarur pahuchaye.

Is post ko padhne ke liye aapka bahut bahut Dhanyawad.