Hello Friends, kya aapne Railway Group D ka form bhara tha? Agar aapne Railway Group D ka form bhara tha to ab aapka exam hone hi wala hoga aur exam dene ke liye aapko Admit card ki jarurat hogi. Is post me main aapko bataunga ki aap kaise Railway Group D ke exam ke liye apna Admit Card Download kar sakte hai, aur isse related kuch important tips bhi dunga. Isliye is post ko pura padhe jisse ki aapse koi information miss na ho jaye.

Jaisa ki dosto aap sabhi jaante hai ki pahle Railway Ne Group D ki 62907 posts ke liye vacancy nikaali thi, lekin baad me Railway ne ise badha kar 100000+ posts kar diya hai. isse students ke man me is job ko paane ki utsukta aur badh gayi hai, aur wo iske liye aur acche se padhai kar rahe hai.

Inhe Bhi Padhe:-

• Aadhaar Card Update History / Status Check Kaise Kare?
• IGNOU Grade Card Kaise Dekhe / Download Kaise Kare?

To chaliye ab jaan lete hai ki aap apne Railway Group D ka Admit Card (e Call Letter) download kaise karenge.

Railway Group D Admit Card Download Karne Ke Liye Jaruri Information

Railway Group D ka Admit Card Download karne ke liye aapke paas neeche batayi gayi information honi jaruri hai.

1. Railway Group D Ka form bharte samay mila Registration Number
2. Jiska Admit Card nikalna hai uska Date Of Birth (DOB)

Agar aapke paas upar batayi gayi information hai to aap puri tarah se taiyar hai RRB Group D ka admit card download karne ke liye.

Railway Group D Admit Card Download Kaise Kare?

RRB Group D ka admit card download karne ke liye neeche ke steps ko follow kare.

• Group D ka admit card download karne ke liye is link “https://dc4-g22.digialm.com/EForms/configuredHtml/2022/57738/login.html” par click kare.
• Upar ke link par click karte hi aap is tarah ke page me pahunch jayenge.

• Admit card download karne ke liye aapko is page me apna details dalkar Login karna hoga.
• Login karne ke liye “User Id” wale box me apna Railway Group D ka “Registration Number” daale.

• Iske baad “User Password” wale boxes me apna “Date Of Birth” ka chayan kar le.
• Ab isi ke neeche ek image di hui hogi jisme kuch letters diye hue honge, in akshron ko usi ke neeche diye gaye box me hu-ba-hu likhna hai.
• Saare boxes bharne ke baad sabse neeche “Login” ka ek option milega, ab aapko is login ke option par click kar dena hai.
• Login karne ke baad aap apne account me honge, jahan aapka “Exam Information” diya hua hoga, jaise Date of Exam, Exam City, Exam State, Shift, Duration of Exam, Reporting Time, Exam Start Time aur bhi bahut kuch.

• Apna Railway Group D ka Admit Card download karne ke liye aapko “e Call Letter” wale option par click karna hai.
• Is option par click karte hi aapke saamne “Click here to download e call letter” likha hua aayega, ab aap “here” ke option par click kar de.

• Jaise hi aap “here” ke option par click karenge aapke saamne aapka admit card khul jayega, ab aap ise Print kar sakte hai ya ise download karke rakh bhi sakte hai.

Note:- Yaha aap is baat ka dhyan rakhe ki is tarah se aap usi candidate ka admit card download kar sakte hai jiska exam 4 din baad ya isse pahle hone wala hai. Jaise agar kisi candidate ka exam 10th October ko hone wala hai to uska admit card 06th October se pahle download nahi kar sakte hai.

• My Jio Me Mile 8 Cashback Voucher Ko Use Kaise Kare?
• Mobile Se Document, Signature, Photo Ko Resize / Size Kam Kaise Kare?

Railway Group D Admit Card Download Karne Se Related Important Tips

1. Apna admit card aate hi download kar le, kyunki ho sakta hai site down ho jaye, jisse aapko dikkat ho sakti hai.
2. RRB Group D ke liye bahut saare students ne apply kiya hai isliye jab bhi iska admit card aata hai to kuch minutes me hi site down ho jati hai. Isliye meri salaah yaha hai ki aap apna admit card subah me 9 baje se pahle download kare, kyunki is samay jyada tarffic nahi hoti hai.
3. RRB Group D admit card dekhne ke baad use pdf me download jarur kar le, kyunki yah aapko baad me kaam aa sakta hai.
4. Admit card download karne ke baad iske Instructions ko acche se padh le, kyonki aisa nahi karne par aapko exam centre me problem ho sakti hai.

To dosto mujhe ummid hai aap jaan gaye honge ki Railway Group D ka Admit Card Download kaise kar sakte hai aur isse related kuch improtant tips bhi aapko pata chal gayi hongi.

• SBI Me Registered Mobile Number Kho / Band Ho Jane Par Ise Change Kaise Kare?
• Aapka Aadhaar Card Koun, Kahan, Kitna Use Kar Raha Hai History Kaise Pata Kare?

Agar aapko abhi bhi is topic se related kisi tarah ki problem ho rahi hai to aap hame comments me bata sakte hai, hum jaldi se jaldi aapki madad karne ki kosis karenge.

Aapke jaise aur bhi students honge jo RRB Group D ka exam dene wale honge, jinhe pata nahi hoga ki iska admit card kaise download kar sakte hai, isliye is post ko apne Friends, Family Members aur Social Media me SHARE karna bilkul bhi na bhule. SHARE karne se aap kisi jaruratmand ki madad kar payenge.

Aapka is post ko padhne ke liye bahut bahut Dhanywad.